كالو القدم

احيانا بيكون الكالو في القدم كبير لدرجة ان الوسائل العدية زي الكي والكرايو مش بتكفي او بيحصل رجوع للحاله في الحاله دي الاستئصال الجراحي هو الحل الامثل

التشخيص

التشخيص هو المحطه الأخيرة والأهم , والهدف الأثمي ! قبل بداية العلاج وهو أهم ما في موضوع علاج الأمراض وده ممكن يبقى سهل جدا وبسرعة وبمجرد نظرة للمريض ولمكان العلة وده بنسميه " تشخيص اسبوت" أو التشخيص بمجرد النظر ! حتى بدون وضع اليد أو استخدام إي أدوات !وده بيكون في بعض الحالات اللي طبيعتها كده ومش قاصر على طبيب معين ,دا الصغير والكبير من الأطباء المختصين مفروض يشخصو بالطريقة دي , مثال ذلك تشخيص الوحمات وبعض الأمراض الجلدية , ممكن في بعض الحالات لا يحتاج الطبيب إلا نظرة ! وده بيكون من الحظ الحلو للطبيب ومن الحظ الحلو المريض وده ممكن يرفع الطبيب لمكانه عاليه جدا في مجتمعنا المصري ولما يخف للمريض بعد العلاج المناسب ويروح يحكى لأصحابه ده بييشهر الطبيب جدا !

أما لو كان التشخيص من النوع اللي بيحتاج لتفكير كثير وفحص كتير ومتشابه مع أمراض مشتركة في الأعراض والمرحلة العمرية للمريض ,والتاريخ المرضي المختلف لكل حالة على حده فده بيحتاج عملية عقلية لفرز وتفنيد التشخيصات من بعضها وهو ما يسمى ب"التشخيص المقارن " وأحيانا بيحتاج مناقشة ما بين الطبيب والمريض أو بعض أهله وبين الطبيب وبعض من زملائه أواساتذته وهو ما يسمى بالتشاور أو "الكونسولتو" لأن الأمراض تتشابه جدا خذ مثال جراحي :منطقة الشرج مثلا يمكن ان يأتي فيها حوالي 14مرض مختلف وليس البواسير فقط ! ومنطقة جانب البطن الأيمن يمكن ان يأتي فيها 34 مرض مختلف وليس إلتهاب الزائدة بس ! إذن فعملية التشخيص يمكن تاخد وقت ,ويمكن تحتاج تحاليل واشعات وفحوص وأبحاث ! فلا داعي أبدا اننا ندخل حجرة الكشف على الطبيب ونقولو كلمتين مختصرين وتخبي عنو بعض الحقائق عن الحالة بهدف وضعه في إختبار أو نخفي حقائق عن تاريخنا المرضي المطلوب معرفته ! وفي نفس الوقت عايزين نروح البيت بالتشخيص الصحيح والعلاج السليم مكتوب وياريت يخف العيان من أول جرعة! وده لمجرد اننا دفعنا في العيادة فلوس ثمن الكشف !
تمنياتي بالشفاء والى اللقاء
د.محمد باطه

سلسلة الحالات الجراحية - 8 - خراريج الأيدي والاصابع

خراريج الأيدي والأصابع ممكن تتسبب في مشاكل صحية كبيرة حتى بعد شفاء الخراج , زي التيبس أو نقص قوة اليد أو فقد بعض الجلد أو العظام أو الأعصاب لذلك فالعلاج العنيف المبكر هام جدا في الحالات دى ,ومع ان بعض درجات الالتهاب الخفيف ممكن تستجيب للراحة والمضادات الحيوية إلا ان الكثير بيحتاج إلى حل جراحي عاجل لتصريف الالتهاب والصديد واي صديد يجب أن يرسل للمعمل لزراعته للتعرف على نوع الميكروب المتسبب وبالتالي المضاد الحيوي المناسب , في هذا المثال قمت بجراحة لتصريف ذلك الخراج بالعمليات تحت المخدر الكلي , ارجو ان تكونوا قد استفدتم وإلى لقاء

سلسلة الحالات الطبية - 5 - من مشاكل الحقن العضلية

اسمحولي أتكلم النهارده عن بعض المشاكل إللي ممكن تحصل بسبب حقنة عضل بطريقة خطأ , واللي حضراتكم شايفينو في الصوره ده جزء من الصديد وجدار خراج مزمن بقالو ثلاث شهور وده كان سببو حقنة عضل بطريقة خطأ ثم تلوثت بميكروب وأصبحت كده وبحمد الله ثم استئصال الخراج  وعمل اللازم , بعض الناس بيحب مايوجعش المريض بسن الحقنة الطويل فبيستبدل السن الطويل بسن رفيع وبالتالي قصير فبتكون النتيجة إن السن مابيوصلش لحد العضل وخاصة في السيدات وكل كمية الدوا بيتم افراغها في طبقة الدهون السطحية فإمابيمتصش ومابيتصرفش من مكانو بالكامل وبيعمل التهابات وألم وممكن يوصللو ميكروب ويعمل خراج زي كده  !
أرجو التأكيد على أن الحقنه يجب أنها توصل إلى العضلة (إسمها حقنه عضل) وكمان بعض الناس بتخلط نوعين من الحقن مع بعض وده مش دايما صح , وبعض الناس بتسند السن باصبعها أثناء الحقن وده خطأ , ويجب التأكيد أن مكان الحقن في المربع الأعلى الخارحي من كل إليه , ويجب التأكيد أن لاتترك السرنجة للحقنة التالية, ولا يجب استعمال السرنجة إذا كانت ورقة تغليفها مقطوعة أو تاريخ السرنجة منتهى الصلاحية , أرجو أن تكونو قد استفدتم , وإلى لقاء

سلسلة الحالات الجراحية - 4 - الأكياس الدهنية

المره دي هااتكلم عن الأكياس الدهنية ,إيه هو الكيس الدهني ؟ هو ورم حميد متكون من خلايا دهنية غير معروف السبب بدقة بييجي في أماكن متفرقة وممكن يكبر , أحيانا بيكون مختلط بنسيج ليفي أو عصبي ويجب إرساله للتحليل النسيجي إذا تغير ملمسه أو كان ملتصقا بالأنسجة المجاورة له, وأحيانا بيكون واحد فقط وأحيانا بيكون متعدد ومتكرر ودي حالة اسمها "مرض دركم" وأغلب الأكياس الصغيرة يمكن إزالتها بعملية بسيطة بالمخدر الموضعي , أرجو أن تكونوا قد استفدتم وال لقاء

الظفر الغائر

النهارده هانتكلم عن الظفر الغائر أو المنغرس باللحم ودي حالة جراحية متكررة جدا وليها سببين مهمين جدا السبب الأول لبس الأحذية الضيقة والأحذية المدببة والسبب التاني قص الأظافر بشكل منحني وتعمد تقصيرها إلى جانب حدوث التهابات مزمنه بتؤدي مع الوقت إلى دفن زاوية الظفر , طب إيه الحل؟ اولا القص في شكل خط مستقيم  وباستعمال المقص وليس القصافة وترك الزاويتين موجودين ثانيا إختيار مقاسات أحذية واسعه نمره أو نمرتين ويفضل البوز العريض والعناية بنظافة القدمين وفي الحالات المستعصية بيتم إجراء عملية جراحية لاستئصال الجزء المنغرس مع مقطع خلفي , أرجو تكونو استفدتم وإلى لقاء

راس ميدوزا او Caput medusae صورة من احدي عملياتي من داخل البطن في منطقة السرة من الداخل اثناء عملية استئصال الطحال . كعلامة مؤكدة لارتفاع الضغط بالدورة الدموية البابية ِ احد اهم علامات مضاعفات مرض البلهارسيا . تشبه براس ميدوزا في الاسطورة الاغريقية القديمة .

رأس ميدوزا

راس ميدوزا او Caput medusae صورة  من احدي عملياتي من داخل البطن في منطقة السرة من الداخل اثناء عملية استئصال الطحال . كعلامة مؤكدة لارتفاع الضغط بالدورة الدموية البابية ِ احد اهم علامات مضاعفات مرض البلهارسيا . تشبه براس ميدوزا في الاسطورة الاغريقية القديمة

وحمة الكبد

وجود الوحمات الكبدية اثناء العمليات الجراحية بالمناظير من الامور المتكررة ولا يتم التدخل  غالبا  الا اذا كانت كبيرة ووجود الوحمات الصغيرة لايسبب ازعاجا واغلبها لايزيد في الحجم مع مرور الوقت

 حالة وحمة كبدية يتم تشخيصها بالمنظار الجراحي بواسطة دكتور محمد باطه