ايه هي التصاقات البطن وازاي بيتم النعامل معاها؟
ايه هي التصاقات البطن وازاي بيتم النعامل معاها؟
اصلاح فتق اربي ايمن بالمنظار لمريض حوالي 45 سنه بدين بعض الشيء وتركيب شبكة والقفل عليها بالدباسة الجراحية
لمزيد من الفيديوهات تفضل بالاشتراك في قناتي علي اللينك التالي:
https://www.youtube.com/channel/UCqSBbZdjcRCWLnDjk-vvTlQ/playlists
ومدونتي علي جوجل علي اللينك التالي https://muhammadbatah.blogspot.com/
وصفحتي علي فيس بوك
https://www.facebook.com/bataclinic
غلاف الفتق الاربي المباشر
ده هو الفتق الحقيقي اللي بنشيله وقبل العمليه بتكون حاجات من البطن داخله جواه زي ما انا بمثل بالشاشه كده وبعد ربطه و استئصال الزياده منه بيتم إصلاح العضلات وتركيب الشبكه
آثار جرح عملية الغدة الدرقية بعد 4 سنوات
د.محمد باطه
د.محمد باطه
دكتوراه واستشاري الجراحة العامة وجراحة المناظير وجراحات الشرج
استشاري اول الجراحة العامة
رئيس قسم الجراحة العامة سابقا وكبير أطباء جراحة عامة بمستشفي مصر للطيران
كالو القدم
التشخيص
التشخيص هو المحطه الأخيرة والأهم , والهدف الأثمي ! قبل بداية العلاج وهو أهم ما في موضوع علاج الأمراض وده ممكن يبقى سهل جدا وبسرعة وبمجرد نظرة للمريض ولمكان العلة وده بنسميه " تشخيص اسبوت" أو التشخيص بمجرد النظر ! حتى بدون وضع اليد أو استخدام إي أدوات !وده بيكون في بعض الحالات اللي طبيعتها كده ومش قاصر على طبيب معين ,دا الصغير والكبير من الأطباء المختصين مفروض يشخصو بالطريقة دي , مثال ذلك تشخيص الوحمات وبعض الأمراض الجلدية , ممكن في بعض الحالات لا يحتاج الطبيب إلا نظرة ! وده بيكون من الحظ الحلو للطبيب ومن الحظ الحلو المريض وده ممكن يرفع الطبيب لمكانه عاليه جدا في مجتمعنا المصري ولما يخف للمريض بعد العلاج المناسب ويروح يحكى لأصحابه ده بييشهر الطبيب جدا !
أما لو كان التشخيص من النوع اللي بيحتاج لتفكير كثير وفحص كتير ومتشابه مع أمراض مشتركة في الأعراض والمرحلة العمرية للمريض ,والتاريخ المرضي المختلف لكل حالة على حده فده بيحتاج عملية عقلية لفرز وتفنيد التشخيصات من بعضها وهو ما يسمى ب"التشخيص المقارن " وأحيانا بيحتاج مناقشة ما بين الطبيب والمريض أو بعض أهله وبين الطبيب وبعض من زملائه أواساتذته وهو ما يسمى بالتشاور أو "الكونسولتو" لأن الأمراض تتشابه جدا خذ مثال جراحي :منطقة الشرج مثلا يمكن ان يأتي فيها حوالي 14مرض مختلف وليس البواسير فقط ! ومنطقة جانب البطن الأيمن يمكن ان يأتي فيها 34 مرض مختلف وليس إلتهاب الزائدة بس ! إذن فعملية التشخيص يمكن تاخد وقت ,ويمكن تحتاج تحاليل واشعات وفحوص وأبحاث ! فلا داعي أبدا اننا ندخل حجرة الكشف على الطبيب ونقولو كلمتين مختصرين وتخبي عنو بعض الحقائق عن الحالة بهدف وضعه في إختبار أو نخفي حقائق عن تاريخنا المرضي المطلوب معرفته ! وفي نفس الوقت عايزين نروح البيت بالتشخيص الصحيح والعلاج السليم مكتوب وياريت يخف العيان من أول جرعة! وده لمجرد اننا دفعنا في العيادة فلوس ثمن الكشف !تمنياتي بالشفاء والى اللقاء
د.محمد باطه
ارتجاع اورام الثدي
ارتجاع ورم الثدي
ارتجاع اورام الثدي بعد استئصالها دي حاجه ممكن تحصل ومش بالضرورة يكن عيب في الجراحة بالعكس ممكم يكون الاستئصال الاول ممتاز جدا ومع ذلك ممكن يحصل الارتجاع ويبدو ان ده ليه علاقة باسباي بيولوجية او بسلوك السرطانات نفسهادي حالة ورم رجع بعد شهور في مكان استئصال الثدي قمنا باستئصاله بالتنسيق مع الزملاء بقسم علاج الاورام وقسم التحاليل الباثولوجية
- الصورة الاولي لنمطة الارتجاع
- الصورة الثانية للكتله المستاصله وهي محددة بلون مختلف
- وترسل للتحليل الباثولوجي
لأن
الدكتور محمد باطه يؤمن بان المتاعب
الجسمانية والالام المزمنه
هي اهم سبب لاعاقة الانسان وضد تطوره وسعادته
لذلك قرر ان يساعد المرضي علي تخطي الامهم
بتقنيات حديثة وخبرات طويله
دكتوراه
الجراحة العامة
استشاري
جراحة المناظير والجراحة العامة وجراحات الشرج
رئيس
قسم الجراحة سابقا وكبير
اطباء الجراحة بمصر للطيران
عنوان العيادة
العنوان : 53 شارع المقريزي (برج الاطباء)
مصر الجديده الدور الخامس جناح 508
ت 01121419679
واتس آب/ 01001759728
سلسلة الحالات الجراحية - 10 - قرح الفراش
زي ما الناس بتقلب الأكل على النار عشان مايتحرقش لازم يقلبو ابهاتهم وأمهاتهم المسنين المقعدين عشان مايتحرقوش بردو ! الموضوع مش بس نحطلهم ياكلو أو نحميهم على فترات أو نديهم الدوا , الناس دى قلة الحركه ممكن تجيبلهم أمراض كثير , ولو كانو لسه بعقلهم وذكائهم التقصير ده بيقتلهم أكثر وممكن يموتو من الاكتئاب , ولو كانوا مش بعقلهم زي أمراض ضمور المخ أو الزهايمر في الوقت ده لابد يكون أبنائهم هما عقولهم اللي بتفكر لهم , الصورة دي لقرحة فراش بسبب الضغط المتواصل عليها زي حتت كثير فوق العضم و تحولت إلى غرغرينة , القرح بتبتدي احمرار والتهاب ولو استمر الضغط عليها بتروح منها الدورة الدموية ولو استمر الضغط عليها بتتحول لغرغرينة ثم تسمم في الدم ثم وفاه ! المرتبة الهوائية والمضاد الحيوي مش كفايه لأن العلاج عباره عن منظومه متكاملة !
وإلى لقاء
سلسلة الحالات الجراحية - 9 - تشخيص الزائدة الدودية
تشخيص التهاب الزائدة الدودية الحاد من الحاجات المهة جدا في تخصص الجراحة العامة والوجع نفسو بطريقة حدوثو والتاريخ المرضى ليه ومكانو الي جانب شوية أعراض وعلامات تانية زي الغثيان أو القئ أو إرتفاع الحرارة أو زيادة عدد كرات الدم البيضاء بطريقة معينة كل الحاجات دي وغيرها بتكون وسائل مساعدة للجراح في ضبط التشخيص , لكن لو الأدوية اتاخدت بطريقة عشوائية صحيح ممكن تريح شويه لكنها بتلخبط الحالة وبتخليها صعبة التشخيص لأنها ممكن تضيع أو تغير الأعراض والعلامات دي للمرض وده بييصعب التشخيص السليم وبيأخره وكمان ممكن يخفيه وكمان ممكن يعمل مضاعفات مع المريض , صحيح مش كل ألم في البطن بيبقى إلتهاب في الزايدة لكن ماينفعش حد عندو ألم في بطنو وخاصة معاه حاجه من الأعراض اللي اتذكرت يحاول يعالج نفسو أو حتى يروح الصيدلية ويقولو إديني حاجة للمغص وحاجة لكذا وحاجه لكذا وخاصة مع الأطفال, لأن فيه علم كبير من علوم الطب اسمو "الجراحة الإكلينيكية" هو المنوط بيه مثل هذه الأمور زي التشخيص والتشخيص الجراحي المقارن واستبعاد الأمراض الباطنية الحادة وده بيتخصص فيه الجراحين بس , وهذا العلم معنى بالدرجة الأولى بفرز الحالات اللي بتحتاج جراحة أو حلها الجراحة , ارجو ان تكونوا قد استفدتم والى لقاء
سلسلة الحالات الجراحية - 8 - خراريج الأيدي والاصابع
خراريج الأيدي والأصابع ممكن تتسبب في مشاكل صحية كبيرة حتى بعد شفاء الخراج , زي التيبس أو نقص قوة اليد أو فقد بعض الجلد أو العظام أو الأعصاب لذلك فالعلاج العنيف المبكر هام جدا في الحالات دى ,ومع ان بعض درجات الالتهاب الخفيف ممكن تستجيب للراحة والمضادات الحيوية إلا ان الكثير بيحتاج إلى حل جراحي عاجل لتصريف الالتهاب والصديد واي صديد يجب أن يرسل للمعمل لزراعته للتعرف على نوع الميكروب المتسبب وبالتالي المضاد الحيوي المناسب , في هذا المثال قمت بجراحة لتصريف ذلك الخراج بالعمليات تحت المخدر الكلي , ارجو ان تكونوا قد استفدتم وإلى لقاء
